سؤال مهم و متكرر من الأمهات :
ايه فايدة التطعيمات اللي الدكتور بيديها للطفل في عيادته الخاصة، مش كفاية التطعيمات الإجبارية في مكتب الصحة ؟؟؟
أرد علي حضرتك و أقول :
عايز حضرتك تعتمدي علي نفسك و تقومي بالبحث علي الانترنت عن كلمة التطعيمات الأساسية للطفل …
و من هنا نبدأ الكلام المظبوط: التطعيمات الأساسية هي الكلمة السليمة، مش كلمة التطعيمات الإجبارية..
طيب ايه هي الأساسية ؟؟؟
أقول لحضراتكم ….
التطعيمات الأساسية هي كل التطعيمات (اللقاحات) التي تم اكتشافها لوقاية و حماية صحة الأطفال من أخطر الأمراض المعروفة…
طيب يا دكتور هل فيه تطعيمات أساسية مش موجودة في مكتب الصحة و لا يتم إعطاؤها للطفل من خلال الجدول المعروف في وزارة الصحة ؟؟؟؟
الإجابة : أيوة طبعا ، هناك عدد من التطعيمات الأساسية التي لا يقدمها برنامج تطعيمات وزارة الصحة و ذلك لأننا لسنا دولة غنية و لا تغطي ميزانية وزارة الصحة تكلفة هذه التطعيمات الغالية ….
طيب و الحل ؟؟؟
الحل: لازم تسألي طبيب الأطفال اللي بيتابع حالة طفلك عن هذه التطعيمات و تكوني عارفة مواعيدها منذ الولادة، و تقومي بإعطائها لطفلك في هيئة المصل و اللقاح أو في عيادة الطبيب الخاصة…..
يعني في خطورة لو ابني أو بنتي مأخدوش التطعيمات دي ؟؟؟؟؟
الإجابة: لو قلت لحضرتك أمثلة للتطعيمات دي و بتحمي من أمراض ايه، ممكن تدركي مدي أهميتها..
# تطعيم المكورات الرئوية : ضد ميكروب المكورات الرئوية المسبب لتلوث الدم و التهاب الأذن الوسطي و الالتهاب الرئوي و الالتهاب السحائي…